Main content

O 2 de xuño convocamos xunto con AUXILIA Lugo e Lugo Monumental a presentación da xornada de Fomento da Accesibilidade Universal "Ponte nas Miñas Botas" no Multiusos de Lugo. Na presentación de esta actividade tamén partipou a concelleira Ana Abelleira, así como respresentantes de Raiolas Lugo, Lugo Monumental e AUXILIA Lugo. A Xornada de Fomento de Accesibilidad Universal, que contará coa colaboración da ONCE, Raiolas Lugo, UDP, ASORLU, Rede Museística Provincial, Ortopedia Edensalus, e organizada por PREDIF Galicia, AUXILIA Lugo e Lugo Monumental, realizarase o 9 de xuño na Praza da Soidade. Pola tarde, no Museo Provincial, organizaranse unhas mesas debate cos principales representantes da discapacidade en Lugo. Estas Xornadas teñen dous obxectivos moi concretos: servir como ferramenta de sensibilización social, a través da organización de varias mesas nas que se levarán a cabo actividades para que calquera poida poñerse no lugar e enfrentarse ás barreiras que día a día teñen que superar as persoas con discapacidade; e ser un punto de encontro para os representantes das diferentes discapacidades da cidade de Lugo, para poder compartir e debatir cales son as necesidades prioritarias en canto á accesibilidade dos seus respectivos colectivos.

 

PREDIF organiza os días 27 e 28 de xuño o I Congreso Internacional de Asistencia Persoal en Valladolid.

O obxectivo Xeral de este congreso é promocionar a figura do Asistente Persoal e a filosofía do modelo de vida independente en situación de dependencia, familiares, profesionais dos servizos sociais, entidades do terceiro sector e persoas en situación de desemprego como posibles asistentes persoais.

En 1996 nace PREDIF, cando as grandes federacións de persoas con discapacidade física gravemente afectadas (usuarios de cadeiras de rodas maioritariamente), a Federación Nacional ASPAYM e a Federación de Coordinadoras de Minusválidos Físicos das Comunidades Autónomas de España (COAMIFICOA), deciden unirse co obxectivo de defender os intereses específicos das persoas con discapacidade física de España e con a clara vocación de incorporar o pluralismo na representatividade dos mesmos.

Pero os dereitos das persoas con discapacidade estiveron sempre minguados ao longo da historia, e neste tempo, aínda que se avanzou de forma significativa nos mesmos, non foi o suficiente para situar as persoas con discapacidade nun equilibrio social en dereitos e oportunidades.

Partindo da desvantaxe que sempre tiveron as persoas con gran discapacidade, dende PREDIF marcámonos o reto de impulsar a figura do Asistente Persoal,  como garantía para que estas persoas poidan ter o verdadeiro control das súas vidas, algo que sempre mantiveron minguado y que reclaman dende fai tempo, e para isto é necesario que esta figura se coñeza, tanto polas persoas en situación de dependencia e os seus familiares, como por profesionais dos servizos sociais, que son quen asignan esta prestación no marco da Lei 39/2006 de Promoción da Autonomía Persoal e Atención ás Persoas en Situación de Dependencia.

PREDIF leva tempo traballando en promocionar esta figura que, como se sinalou anteriormente aínda é moi descoñecida, pero co convencemento de que é o medio que maior garantía ofrece ás persoas para conseguir a súa autodeterminación, a súa inclusión, igualdade de oportunidades e mellora da súa calidade de vida.

Para acadar o fin que pretendemos é necesario que as propias persoas con discapacidade coñezan os beneficios que ofrece o servizo de asistencia persoal e cómo xestionalo. No marco da consecución de estes obxectivos PREDIF presenta este congreso.

Máis información no seguinte enlace:

http://asistenciapersonal.predif.org/

 

O venres día 5 de maio fomos convidados á presentación da Estratexia Galega de Turismo 2020, na cidade da Cultura en Santiago de Compostela.

Esta nova Estratexia de Turismo ten tres grandes obxectivos: incrementar o número de visitantes progresivamente cada ano para intentar recibir no ano 2020 máis de 6 millóns de turistas; incrementar o peso do turismo internacional para chegar aos dos millóns de visitantes de outros países; aumentar o tempo de estancia e o gasto medio do turista que visita a nosa Comunidade Autónoma.

A Estratexia xurde da necesidade de mellorar a competitividade do turismo de Galicia, que pretende establecerse como sector clave da economía galega, sendo necesaria a colaboración dos sectores público e privado para a súa consecución. Este Plan foi liderado pola Axencia de Turismo de Galicia coa colaboración do Clúster de Turismo de Galicia, e plasma o marco de traballo para o período 2017-2020.

Neste acto, no que estivo presente a directora de Turismo de Galicia Nava Castro, interveu tamén o presidente da Xunta de Galicia Alberto Núñez Feijoo, destacando que a Estratexia de Turismo é un proxecto de país no que deben participar tódolos sectores.

Unha das propostas incluídas pola Xunta neste Plan é a creación dunha tarxeta para turistas, con descontos e outras facilidades para gozar dos servizos e produtos turísticos de Galicia.