Firma dun convenio de colaboración entre PREDIF Galicia e a Universidade de Santiago de Compostela (USC)
O 13 de outubro de 2016, despois de reunirnos en varias ocasións con Xavier Agrafojo, responsable da Área de Integración Universitaria da USC, firmamos un convenio de colaboración para levar a cabo actuacións conxuntas no ámbito da accesibilidade, e tamén en actividades co obxectivo de promover a igualdade de oportunidades e mellorar a calidade de vida das persoas con discapacidade.
PREDIF Galicia celebra o Día Mundial do Turismo
Este ano a efeméride está dedicada ao Turismo Accesible, co obxectivo de sensibilizar á comunidade internacional da importancia do turismo para todos e do seu valor social, cultural, político e económico.
A Plataforma Representativa Estatal de Persoas con Discapacidade en Galicia, PREDIF Galicia, celebra o vindeiro día 27 de setembro o día mundial do Turismo, dedicada este ano ao turismo accesible. Procura, por un lado, sensibilizar sobre a necesidade de promover a accesibilidade no sector turístico e, por outra banda, destacar as boas prácticas que se realizaron en distintos destinos de España. Con este fin, organizaranse de forma simultánea actividades lúdicas e de lecer do Turismo Accesible nas Comunidades Autónomas onde existan PREDIF autonómicos, tamén en Madrid e Barcelona, por estar situados nestas cidades PREDIF estatal e ECOM.
En Galicia realizarase este martes 27 unha visita guiada accesible á Muralla de Lugo e ao Museo Provincial de Lugo, que contará con intérprete de Lingua de Signos e con un itinerario accesible. O acto comezará ás 12:00 horas na Praza Maior de Lugo, onde se realizará unha breve presentación do Día Mundial do Turismo, seguido dun pequeno percorrido accesible pola Muralla de Lugo e unha visita ao Museo Provincial de Lugo, rematando a actividade cun brinde simbólico para celebrar o binomio turismo e accesibilidade. A actividade finalizará ás 14:00 horas.
Nesta actividade, que será totalmente accesible e conta coa colaboración do Concello de Lugo, a Xerencia da Rede Museística Provincial de Lugo e o Museo Provincial de Lugo, participarán diferentes representantes dos grupos municipais do Concello, así como representación da Dirección Xeral de Turismo de Galicia, o presidente do Consello Territorial da ONCE en Galicia e o seu delegado territorial, así como o director da Axencia da ONCE en Lugo. Por outra banda, tamén asistirá a concelleira de Cultura, así como representación de entidades da discapacidade de Galicia e Lugo.
Escolleuse a cidade de Lugo para celebrar este acto, debido a que creemos que é un exemplo de accesibilidade grazas ao traballo das entidades sociais, como AUXILIA Lugo, que colaborou e participou activamente na adaptación da Muralla de Lugo para facela accesible, ou a adaptación do Museo Provincial de Lugo, o cal é un referente no ámbito da accesibilidade universal.
Ademais, previamente á celebración do Día Mundial do Turismo, AUXILIA Lugo vai presentar, xunto coa Concelleira de Cultura e o presidente de PREDIF Galicia, unhas Guías sobre Rutas accesibles actualizadas ao casco histórico de Lugo; ditas guías foron elaboradas por AUXILIA Lugo. A presentación terá lugar ás 11:30 horas no consistorio municipal.
A accesibilidade é un elemento importante para a cidade e o Concello de Lugo, estase traballando para seguir promovendo o Turismo Inclusivo. Proba disto, son os premios recibidos polo seu traballo no ámbito da accesibilidade (Premio Raíña Sofía de accesibilidade e Destino Turístico Accesible), e a recente presentación da candidatura da cidade de Lugo ao galardón europeo de accesibilidade (Access City Award), candidatura que PREDIF Galicia apoia, recoñecendo o traballo que se realizou pola accesibilidade en todo o entorno da cidade de Lugo nos últimos anos.
Firma dun Convenio de Colaboración entre PREDIF Galicia e a Federación de Asociacións de Persoas Xordas de Galicia (FAXPG)
O mércores 21 de setembro desplazámonos á sede da FAXPG en A Coruña para firmar un convenio de colaboración, froito de diferentes reunións establecidas anteriormente para realizar actuacións conxuntas no ámbito da discapacidade.
En dito convenio preténdese favorecer o inicio de actuación conxuntas no ámbito da accesibilidade e o turismo. Por outra banda, tamén persíguese un asesoramento mutuo e un respaldo conxunto de ambas entidades ante as administracións en materia de accesibilidade e inclusión.
