O sábado 17 de decembro organizamos, xunto coa entidade SODINAUTICA, unha xornada de ocio e turismo náutico accesible, pola ría de Vigo.O denominado "Encontro de Patróns", no que patróns con experiencia e embarcacións propias, colaboran nesta actividade para que as persoas que obtiveron a licenza para a pilotaxe de embarcacións recentemente, poidan conducir diferentes tipos e profundizar na súa experiencia navegando, á vez que coñecen a ría de Vigo dende o mar, constituíndo unha actividade turística accesible formidable.

Dende PREDIF Galicia organizouse a asistencia a esta actividade de tódolos participantes no curso celebrado por nós o 26 de novembro de 2016, cunha resposta moi positiva dende a asociación San Xerome Emiliani, polo que quedamos ás 12:00 a.m. no Porto de Bouzas en Vigo, onde SODINAUTICA dispón dun pantalán accesible. Acudiron un total de nove participantes e dous traballadores da asociación San Xerome, 3 patróns experimentados coas súas respectivas embarcacións e o xerente de PREDIF Galicia.

A xornada transcurriu cun tempo fantástico, polo que decidiuse navegar ata o porto de Cangas (a 20 minutos a bo ritmo), repartidos os 9 patróns en 3 barcos diferentes, e se lles seu a oportunidade de cambiar de barco, polo que tódolos novos patróns tiveron a oportunidade de probar tres embarcacións de diferentes características.

Tamén aproveitamos a ocasión para visitar un barco que actualmente está en reparación no porto de Vigo, o ASTORIA, cunha historia abraiante de viaxes transoceánicos e accidentes marítimos, que nos relatou Oswaldo (presidente de SODINAUTICA).